చేసింది తక్కువ సినిమాలే అయినా తెలుగు తెరపై చెరగని ముద్ర వేసింది కమలినీ ముఖర్జీ. ‘ఆనంద్’ సినిమాని తెలుగు సినీ ప్రేక్షకులు ఎప్పటికీ మర్చిపోలేరు. అద్భుతమైన నటనతో, అచ్చంగా పదహారణాల తెలుగమ్మాయిలా కనిపించే కమలినీ ముఖర్జీ, తగిన అవకాశాల కోసం ఎదురుచూస్తోందిప్పుడు. ఏ పాత్రలో అయినా నటించడానికి సిద్ధం అని చెప్పడమే కాకుండా, ‘గోవిందుడు అందరివాడేలే’ చిత్రంలో శ్రీకాంత్ సరసన నటించింది ప్రేక్షకుల్ని మెప్పించింది.
మంచి అవకాశాల కోసం చూస్తున్నానంటోంది కమలినీ ముఖర్జీ. తమిళంలో ఓ సినిమాలో చేస్తున్న కమలినీ ముఖర్జీ, నటనకు ప్రాధాన్యమున్న పాత్రలే చేస్తాను తప్ప, అవకాశాలు వస్తున్నాయి కదా అని అన్ని ఆఫర్స్నీ ఒప్పుకోలేనని చెబుతుంది. తెరపై ఆమ నటన, ఆమె స్క్రీన్ ప్రెజెన్స్ అన్నీ బాగుంటాయి. అవకాశాలిచ్చి ప్రోత్సహిస్తే, ఏ పాత్రలో అయినా ఒదిగిపోగలదు కమలినీ ముఖర్జీ. మంచి అవకాశాల కోసం ఎదురు చూడటంతోపాటు, వచ్చిన అవకాశాల్ని సద్వినియోగం చేసుకుంటే తెలుగు తెరపై కమలినీ కొత్త పాత్రల్లో వెలిగిపోవచ్చు.
|