ప్రేమ్ సాయి దర్శకత్వంలో నితిన్, యామీ గౌతమ్ జంటగా వస్తున్న చిత్రం 'కొరియర్ బాయ్ కళ్యాణ్'. ఎన్నో కారణాలతో ఎప్పుడో షూటింగ్ పనులు పూర్తి చేసుకున్నప్పటికీ విడుదల మాత్రం వాయిదా పడ్తూ వచ్చింది ఈ సినిమా. ఇన్నాళ్లకి టైం కలిసొచ్చి, ఇక రిలీజ్కు సిద్ధమైంది. ఈ నెల 11న ఈ సినిమా ప్రేక్షకుల ముందుకు రానుంది. సినిమాలో పీకే పాత్ర చేసిన నితిన్ పడ్డ పాట్ల సంగతి ఎలా ఉన్నా ఈ సినిమా ధియేటర్లోకి రావడానికి మాత్రం చిత్రబృందం పడిన పాట్లు అన్నీ ఇన్నీ కావు.
ఓ కొరియర్ వల్ల పనీ పాట లేకుండా తిరిగే ఓ యువకుడి జీవితం అనూహ్యంగా ఎలా మలుపులు తిరిగిందన్నది ఈ సినిమా కథాంశం. ఈ నేపధ్యంలో సాగే ఈ చిత్రాన్ని డైరెక్టర్ ఆశక్తికరంగా తెరకెక్కించాడు. ఈ సినిమాకు సందీప్ చౌతా అందించిన బ్యాక్ గ్రౌండ్ మ్యూజిక్ ప్రధాన ఆకర్షణగా నిలుస్తుందని హీరో నితిన్ అన్నాడు. కార్తీక్, అనూప్ రూబెన్స్ అందించిన ఆడియో ఇప్పటికే ప్రేక్షకులను అలరిస్తున్నాయి.
|