శ్రీకాంత్ అడ్డాల దర్శకత్వంలో తెరకెక్కే సినిమా అంటే సాంప్రదాయానికి, ఆధునికతకి పెట్టింది పేరు. అదే తరహాలో తెరకెక్కుతోన్న చిత్రం 'బ్రహ్మూెత్సవం'. స్క్రీన్ నిండా ఆర్టిస్టులు, తెలుగుతనం ఉట్టిపడే నిండుతనం, భారీ సెట్టింంగ్స్తో నిజంగా పండగ వాతావరణాన్ని కళ్లకి కట్టినట్లుగా వుండబోతోంది ఈ సినిమా. అసలే అందగాడు..ఆ పై అంతమంది ముద్దుగుమ్మలు, ఇలా చుక్కల్లో చంద్రుడిలా మెరిసిపోతున్నాడు సూపర్ స్టార్ మహేష్బాబు. ప్రచార చిత్రాలతోనే ఇంతలా ఫ్యామిలీ ఆడియన్స్ను ఎట్రాక్ట్ చేస్తున్నాడు శ్రీకాంత్ అడ్డాల. అప్పట్లో కృష్ణవంశీ సినిమాల్లోనే ఈ తరహా వాతావరణం కనిపించేది.
ఇప్పుడు ఆ వారసత్వాన్ని శ్రీకాంత్ అడ్డాల అంది పుచ్చుకున్నాడనంలో అతిశయోక్తి లేదు. ఈ నెల 20న ప్రేక్షకుల ముందుకు రాబోయే ఈ కలర్ ఫుల్ సినిమాపై భారీగా అంచనాలు ఉన్నాయి. 'శ్రీమంతుడు' సినిమాతో భారీ విజయాన్ని అందుకున్న మహేష్కు ఈ సినిమా కూడా బిగ్గెస్ట్ హిట్ సాధించిపెట్టనుందని అభిమానులు భావిస్తున్నారు. సమంత, కాజల్, ప్రణీత 'బ్రహ్మూెత్సవం'లో మహేష్తో రొమాన్స్ చేయబోతున్నారు. ఈ సినిమాలో సీనియర్ నటీమణులు జయసుధ, రేవతి, తులసి తదితరులు నటిస్తున్నారు. 'సీతమ్మ వాకిట్లో సిరిమల్లె చెట్టు' తర్వాత ఆ స్థాయిలో తెర నిండుగా నటీనటులు కనిపిస్తున్న సినిమా ఇదేనని నిస్సందేహంగా చెప్పవచ్చు.
|