'పటాస్' సినిమాతో జోరందుకున్న కళ్యాణ్రామ్, 'షేర్'తో చతికిలబడ్డాడు. ఇప్పుడు పూరీ జగన్నాధ్ డైరెక్షన్లో 'ఇజం' సినిమాలో నటిస్తున్నాడు. ఈ సినిమాలో నటిస్తూ, స్వీయ దర్శకత్వం వహిస్తున్నాడు కళ్యాణ్రామ్. ఈ సినిమాపై చాలా అంచనాలున్నాయి. ముద్దుగుమ్మ అదితి ఆర్య ఈ సినిమాలో హీరోయిన్గా నటిస్తోంది. ఈ చిత్రం నిర్మాణ దశలో ఉండంగానే మరో సినిమాకి సైన్ చేశాడు ఈ నందమూరి యంగ్ హీరో. 'దంచవే మేనత్త కూతురా' అనే టైటిల్తో ఈ సినిమా తెరకెక్కబోతోంది.
బాబాయ్ బాలకృష్ణ సక్సెస్ ఫుల్ మూవీస్లో ఒకటయిన 'మంగమ్మగారి మనవడు' సినిమాలోని పాపులర్ సాంగ్ అయిన దంచవే మేనత్త కూతురా.. పాటలోని ఫస్ట్లైన్ని ఈ సినిమాకి టైటిల్గా ఎంచుకోవడం వెనుక విశేషమే ఉందట. కామెడీ ఎంటర్టైనర్స్ స్పెషలిస్ట్ అయిన జి.నాగేశ్వర్రెడ్డి దర్శకత్వంలో ఈ సినిమా తెరకెక్కబోతోందట. ఆల్రెడీ కళ్యాణ్రామ్ సాయిధరమ్ తేజ్తో ఒక మల్టీస్టారర్ మూవీకి కమిట్ అయ్యాడు. 'ఇజం' షూటింగ్ పూర్తయిన వెంటనే ఈ నందమూరి హీరో ఎట్ ఏ టైమ్ ఈ రెండు సినిమాలను పూర్తి చేసి ప్రేక్షకుల ముందుకు వచ్చే యోచనలో ఉన్నాడట. ప్రస్తుతం 'ఇజం' షూటింగ్ చివరి దశకు చేరుకుంది. అతి త్వరలోనే కళ్యాణ్రామ్, నాగేశ్వర్ రెడ్డి సినిమాకి సంబంధించిన పూర్తి వివరాలు వెల్లడి చేయనున్నారట.
|