అక్కినేని నాగార్జున ప్రధాన పాత్రలో తెరకెక్కుతోన్న సినిమా 'రాజుగారి గది - 2'. ఈ సినిమా ట్రైలర్‌ లేటెస్టుగా విడుదలైంది. ట్రైలర్‌లో దయ్యం గురించి డిస్కర్షన్‌ జరుగుతోంది. ఆ దయ్యం సమంత అని కూడా తెలిసిపోయింది. అయితే ట్రైలర్‌లో ఆ సస్పెన్స్‌ రివీల్‌ చేయకుండా ఉంటే బాగుండేది. ఈ సినిమాలో సమంత ఓ కీలక పాత్రలో నటిస్తోందనీ తెలుసు కానీ, అది దయ్యం పాత్రని ఇంతవరకూ తెలీదు. ట్రైలర్‌ వచ్చాక ఆ విషయం అర్ధమైపోయింది. అయితే సైకియాట్రిస్ట్‌ పాత్రలో నటిస్తున్న నాగార్జున దయ్యాన్ని వదిలించే పని పట్టాలి. అంటే సమంతకీ, నాగార్జునకీ మధ్య జరిగే పోరు ఈ సినిమా స్టోరీ అనుకోవాలి.
సమంత - నాగార్జున గతంలో 'మనం' చిత్రంలో నటించారు. తల్లీ కొడుకు పాత్రల్లో పోటీ పడి నటించారు ఆ సినిమాలో వీరిద్దరూ. అంటే ఫైట్‌ బాగానే ఉంది. ఈ ఫైట్‌లో దయ్యంగా సమంతని గెలిపిస్తాడా? లేక ఓ సైకియాట్రిస్ట్‌గా నాగ్‌ గెలుస్తాడో తెలియాలంటే తెర పైనే చూడాలి. త్వరలోనే ఈ సినిమా ప్రేక్షకుల ముందుకు రానుంది. ఇదిలా ఉండగా వచ్చే నెల 6న అక్కినేని వారింటి కోడలు కాబోతోంది సమంత. గోవాలో సమంత, నాగ చైతన్యల వివాహం ఘనంగా జరగనుంది. హిందూ, క్రిస్టియన్‌ సాంప్రదాయాల ప్రకారం వీరి వివాహం జరగనుంది.
|
