ఒక్క ఫోటోతో అన్ని గాసిప్స్కీ చెక్ పెట్టేశాడు దర్శకుడు సురేందర్ రెడ్డి. బాలీవుడ్ మెగాస్టార్ అమితాబ్ బచ్చన్తో సురేందర్ రెడ్డి దిగిన ఫోటో ఒకటి సోషల్ మీడియాలో పోస్ట్ చేశాడు. 'సైరా నరసింహారెడ్డి'లో బిగ్బీ అమితాబ్ బచ్చన్ నటించడం లేదంటూ ఈ మధ్య గాసిప్స్ వచ్చాయి. అలాగే డైరెక్టర్ సురేందర్ రెడ్డి కూడా ఈ సినిమా నుండి తప్పుకున్నాడంటూ వార్తలు వినిపించాయి. అయితే ఈ గాసిప్స్ అన్నీ ఉత్తవేనంటూ సురేందర్ రెడ్డి పెట్టిన పోస్ట్ ద్వారా తేలిపోయింది. ఒక్క ఫోటోతో ఈ గాలి గాసిప్స్కి చెక్ పెట్టేశాడు సురేందర్ రెడ్డి. ఆల్రెడీ మొదటి షెడ్యూల్ షూటింగ్ని సక్సెస్ఫుల్గా పూర్తి చేసుకున్న 'సైరా' టీమ్ రెండో షెడ్యూల్ కోసం భారీ ఏర్పాట్లు చేసిందట. ఈ షెడ్యూల్లోనే అమితాబ్ బచ్చన్ పాల్గొననున్నారనీ తెలుస్తోంది.
గతంలో అనుకున్న విధంగా ఈ సినిమాలో చాలా పాత్రలు తప్పుకున్నాయంటూ హాట్ హాట్గా గాసిప్స్ చక్కర్లు కొడుతున్నాయి. వాటిలో ఎంత మాత్రమూ నిజం లేదనీ చిత్ర యూనిట్ మొత్తుకుంటున్నా, ఈ గాసిప్స్ ఆగడం లేదు. వాటిలో బిగ్బీకి సంబంధించిన గాసిప్స్కి ఇప్పుడు డైరెక్టర్ సురేందర్ రెడ్డి చెక్ పెట్టేశాడు. అలాగే మిగిలిన గాసిప్స్కీ త్వరలోనే చెక్ పడనుంది. ఇదిలా ఉండగా, నయనతార విషయంలో కూడా ఇలాంటి గాసిప్సే చక్కర్లు కొడుతున్నాయి. అయితే ఈ రెండో షెడ్యూల్లోనే నయనతార కూడా పాల్గొననుందనీ చిత్ర యూనిట్ నుండి అందిన సమాచారమ్. చిరంజీవి 151వ చిత్రంగా తెరకెక్కుతోన్న 'సైరా'కి మెగా పవర్ స్టార్ రామ్చరన్ నిర్మాతగా వ్యవహరిస్తున్నారు. ఎంతో ప్రతిష్ఠాత్మక చిత్రమిది. మరోపక్క ఈ చిత్రంలో ఓ ఇంపార్టెంట్ రోల్ కోసం రామ్చరణ్, బాబాయ్ పవన్ కళ్యాణ్ డేట్స్ కూడా తీసుకున్నాడనీ సమాచారమ్. చూడాలి మరి ఈ వార్తలో నిజమెంతుందో..!
|