Go Telugu - Telugu Weekly Web Magazine
ఈ సంచికలో కథలు సీరియల్స్ యువతరం శీర్షికలు సినిమా కార్టూన్లు
Natural star nani ten years old

ఈ సంచికలో >> సినిమా >>

పరశురామ్‌కి దొరికిన మెగాహీరో.!

Mega heiro found in Parashuram.

'శ్రీరస్తు శుభమస్తు' చిత్రంతో మంచి విజయం అందుకున్న దర్శకుడు పరశురామ్‌ ఇటీవల సెన్సేషనల్‌ హీరో విజయ్‌ దేవరకొండతో 'గీత గోవిందం' చిత్రం తెరకెక్కించి బ్లాక్‌ బస్టర్‌ విజయం అందుకున్నాడు. 100 కోట్ల గ్రాస్‌, 60 కోట్ల షేర్‌ సాధించిన ఈ సినిమాతో డైరెక్టర్‌గా పరశురామ్‌ రేంజ్‌ మారిపోయింది. అల్లు అరవింద్‌ సమర్పణలో రూపొందిన 'గీత గోవిందం' సక్సెస్‌తో పరశురామ్‌కి తమ బ్యానర్‌లో మరో చిత్రం చేసే ఆఫర్‌ ఇచ్చాడు నిర్మాత అల్లు అరవింద్‌. అయితే ఆ ప్రాజెక్ట్‌ బన్నీతో ఉండబోతోందని అంతా భావించారు. కానీ అది బన్నీ కాదట. మెగా మేనల్లుడు సాయి ధరమ్‌ తేజ్‌ అని తెలుస్తోంది.

సాయి ధరమ్‌తేజ్‌కి పరశురామ్‌ లేటెస్టుగా ఓ కథ వినిపించాడట. ఆ కథ తేజుకి బాగా నచ్చిందట. సరదా సరదా లవ్‌ స్టోరీ అని తెలుస్తోంది. ఈ మధ్య వరుస ఫెయిల్యూర్స్‌తో ఢీలా పడిపోయిన తేజుకు ఓ మంచి హిట్‌ కావాల్సి ఉంది. అది సక్సెస్‌ఫుల్‌ డైరెక్టర్‌ పరశురామ్‌తో అయితే హిట్‌ పక్కా అనిపిస్తోంది. 'గీత గోవిందం' హిట్‌తో పరశురామ్‌పై మంచి నమ్మకం ఏర్పడింది. ఆ నమ్మకాన్ని పరశురామ్‌ నిలబెట్టుకుంటాడో లేదో చూడాలంటే మరి కొంత కాలం ఎదురు చూడాల్సి ఉంది. ఆల్రెడీ తేజు నటిస్తున్న 'చిత్రలహరి' సినిమా సెట్స్‌పై ఉంది. ఈ సినిమాతో పాటు, త్వరలోనే పరశురామ్‌ స్టోరీని కూడా పట్టాలెక్కించే యోచనలో మెగా మేనల్లుడు తేజు ఉన్నట్లు తెలుస్తోంది.

మరిన్ని సినిమా కబుర్లు
megha akash got bumper offer