శ్రియ ప్రధాన పాత్రలో వస్తోన్న ‘పవిత్ర’ సినిమా గురించి రకరకాలుగా ప్రచారం జరిగింది. వేశ్య పాత్రలో శ్రియ కన్పిస్తుండడంతో సినిమాలో అడల్ట్‌ కంటెంట్‌ ఎక్కువగా వుంటుందనీ, ద్వందార్దపు సంభాషణలు, మితిమీరిన శృంగార సన్నివేశాలుంటాయని అందరూ అనుకుంటారు. అది సహజమే. కానీ, ఈ ‘పవిత్ర’ అందరి అంచనాలకు భిన్నంగా తెరకెక్కిందట. మంచి మెసేజ్‌తో కూడుకున్న ఈ సినిమా థియేటర్‌లోకి ఎంటరయ్యేవారికి అద్భుతమైన అనుభూతిని ఇస్తుందని ఇన్‌సైడ్‌ సోర్సెస్‌ ద్వారా అందున్న సమాచారాన్ని బట్టి అర్థమవుతోంది. బయట జరుగుతున్న ప్రచారానికి భిన్నంగా సినిమా తెరకెక్కితే, అది కూడా ఓ మంచి మెసేజ్‌తో కూడుకున్నదైతే మంచిదే. అవార్డులను కొల్లగొట్టేలా ఈ సినిమా వుంటుందనే ధీమాతో వుంది ‘పవిత్ర’ యూనిట్‌.
|
