స్టార్ హీరోలకు ధీటుగా అనుష్క సినిమాపై అంచనాలు వుంటోన్న రోజులివి. ‘అరుంధతి’ తర్వాత అనుష్క ఇమేజ్ అంత గొప్పగా మారిపోయింది. అనుష్క ప్రధాన పాత్రలో తెరకెక్కుతున్న ‘వర్ణ’, ‘రుద్రమదేవి’ సినిమాలపై చాలా అంచనాలు నెలకొంటున్నాయి. ఈ రెండు సినిమాలూ యాభై కోట్ల రూపాయల పైబడిన బడ్జెట్ తో రూపొందుతున్నవే. ‘బాహుబలి’ సినిమాకి రాజమౌళి, ప్రభాస్ వంటి పెద్ద తలకాయల ఇమేజ్ వున్నా, అనుష్క కోసం ఈ సినిమాపై అంచనాలు పెంచుకున్నవారూ వున్నారు.
మూడు సినిమాలు.. సుమారు 200 కోట్ల బడ్జెట్ తో రూపొందుతున్నవి కావడం, మూడు సినిమాల్లోనూ అనుష్క కత్తి పట్టడంతో, అనుష్క ఈ సినిమాల్లో ఎంత గొప్పగా చేసిందోననే ఆసక్తి అందరిలోనూ వుంది. తెలుగులోనే కాక, తమిళంలోనూ అనుష్క తర్వాతే ఎవరైనా ఇలాంటి పాత్రలకు. కాదు కాదు, అనుష్క కాకుండా ఇంకెవర్నీ అలాంటి పాత్రల్లో ఊహించుకోలేం.
అందుకే అనుష్క ఆ సినిమాలకు అదనపు పబ్లిసిటీ థింగ్ గా మారిపోయిందనడం అతిశయోక్తి కాదు. ఒకదాని తర్వాత ఒకటి వరుసగా వస్తున్న మూడు సినిమాలతో అనుష్క యావత్ భారతదేశం దృష్టిని ఆకర్షించినా ఆశ్చర్యపోనవసరం లేదు.
|
