సంచలన దర్శకుడు రామ్గోపాల్ వర్మ దర్శకత్వంలో మోహన్బాబు నటిస్తున్నారనే వార్తను మొదట్లో ఎవరూ నమ్మలేదు. వార్త నిజమే అయినా కార్యరూపం దాల్చడం అనుమానం అనుకున్నారు కొందరు. సినిమా వచ్చినా, వర్మ దర్శకత్వం కాబట్టి అనే అనుమానాలు కూడా కొందరిలో ఉన్నాయి.
ఆ అనుమానాల్ని వర్మ ` మోహన్బాబు కాంబినేషన్ పటాపంచలు చేస్తుందట. ‘ఒట్టు’ అనే వర్కింగ్ టైటిల్తో సినిమా రూపొందనుంది. ఇందులో మోహన్బాబు ఎలాంటి మేకప్ లేకుండా ఒరిజినల్ గెటప్లో కనిపిస్తారట. గెటప్లో కనీసం విగ్గు లేకుండా మోహన్బాబు కనిపిస్తారని ఇన్సైడ్ సమాచారాన్ని బట్టి తెలుస్తున్నది.
వర్మ ఈ సినిమాని ప్రతిష్టాత్మకంగా తీసుకున్నాడని, సినిమాకి అంతా పక్కాగా ప్రిపేర్ చేసుకున్నాకే వర్మ రంగంలోకి దిగాడనీ సమాచారం. తెలుగులో వర్మ హిట్ కొట్టి చాన్నాళ్ళు అవడంతో ఆ లోటు ఈ సినిమాతో తీరితే వర్మ అభిమానులకు ఇంకేం కావాలి? మోహన్బాబు కూడా చాన్నాళ్ళ తర్వాత పూర్తిస్థాయి పాత్రలో కనిపిస్తున్న చిత్రమిది. తద్వారా మోహన్బాబు అభిమానులకూ ఈ సినిమా ఫుల్ ట్రీట్ అయ్యే అవకాశం ఉంది.
|