విలక్షణ నటుడు ప్రకాష్రాజ్, ఏ సినిమాలో నటించినా తనదైన ప్రత్యేకత ప్రదర్శించేందుకు ప్రయత్నిస్తారు. నిర్మాతగా, దర్శకుడిగా విభిన్నమైన ప్రయత్నాలు చేస్తారాయన. కమర్షియల్ ఆలోచనలకు భిన్నంగా వెళ్ళి ‘ధోని’ అనే సినిమా తీశారాయన. ఇప్పుడు ‘ఉలవచారు బిర్యానీ’ పేరుతో ఓ వెరైటీ చిత్రాన్ని తీస్తున్నారు ప్రకాష్రాజ్.
మలయాళంలో వచ్చిన ‘సాల్ట్ అండ్ పెప్పర్’ సినిమాకి ఈ ‘ఉలవచారు బిర్యానీ’ రీమేక్. తెలుగుతోపాటు, తమిళ, కన్నడ భాషల్లోనూ ఈ సినిమాని విడుదల చేయనున్నారు. కన్నడలో ‘వగ్గరనె’ పేరుతో ఈ సినిమా విడుదలవుతుంది. మలయాళంలో కన్నా తెలుగు, తమిళ, కన్నడ భాషల్లో ఈ సినిమా పెద్ద విజయం సాధించనుందని ప్రకాష్రాజ్ ధీమాగా ఉన్నారు.
తమిళంలో ‘ఉన్ సమయల్ అరయిల్’ పేరుతో రానున్న ఈ సినిమా గురించి తమిళ ప్రేక్షకుల్లోనూ చాలా ఆసక్తి నెలకొన్నది. ‘ఉన్ సమయల్ అరయిల్’ అంటే తెలుగులో ‘మీ వంటింట్లో’ అని అర్థం. తెలుగు, తమిళ, కన్నడ భాషల్లో ప్రకాష్రాజ్ వంటకం ప్రేక్షకులకు ఎలా రుచిస్తుందో చూడాలి.
|