మహిళా సంగీత దర్శకులు చాలా తక్కువమంది వున్నారు సినిమా రంగంలో. తెలుగులో వారి సంఖ్య మరీ తక్కువ. ఎస్ జానకి, లతా మంగేష్కర్ లాంటివారు ఒకటీ అరా సినిమాలకు సంగీతం అందించారే తప్ప, వారేమీ పూర్తిస్థాయి సంగీత దర్శకులుగా రాణించలేదు. కాని ఓ తెలుగు మహిళ, అందునా 12వ ఏట సినీ సంగీత ప్రపంచంలో అడుగు పెట్టి, వేరెవరికీ సాధ్యం కాని రీతిలో వెలుగొందుతున్నారంటే అది చాలా గొప్ప విషయం కదా. ఆమె ఓ తెలుగు మహిళ కావడం మనందరికీ గర్వకారణం. తెలుగు సినీ పరిశ్రమలో ఎంఎం శ్రీలేఖ ప్రస్తానం చాలా గొప్పది. సోదరుడు కీరవాణి గొప్ప సంగీత దర్శకుడైనా, ఆయన నీడలో కాకుండా, తనకంటూ ఓ ప్రత్యేకమైన స్థానం సంపాదించుకున్న ఎం.ఎం. శ్రీలేఖ వందేళ్ళ సినిమా ప్రస్తానంలో ఓ అద్భుతం అనే చెప్పాలి. పురుషాధిక్యం.. సినీ పరిశ్రమలో ఎక్కువగా కన్పిస్తుంది. కానీ, శ్రీలేఖ దాన్ని అధిగమించారన్నది నిర్వివాదాంశం.
|