‘నలదమయంతి’ పేరుతో ఓ సినిమా నిర్మితమవుతోంది తెలుగులో. రవికుమార్ పనస ఈ చిత్రానికి నిర్మాత. సినిమా కథ నచ్చి నారా రోహిత్ ఈ సినిమాకి సమర్పకుడిగా వ్యవహరించేందుకు ముందుకొచ్చారు. చిన్న సినిమాగా ప్రారంభమైన ఈ సినిమాకి భారీ తనం వచ్చేలా నిర్మాతలు ప్రయత్నిస్తున్నట్లు వినికిడి.
‘ప్రతినిథి’ వంటి సినిమాల్లో నటించిన శ్రీవిష్ణు ఈ చిత్రంలో హీరోగా నటిస్తున్నాడు. హీరోయిన్గా పేరున్న నటిని తీసుకోవాలని ఆలోచన చేస్తున్నారట దర్శక నిర్మాతలు. అలనాటి ‘నలదమయంతి’ కథతో ఈ సినిమాకి కొన్ని పోలికలున్నాయని అంటున్నారు. భారీ స్థాయిలో సినిమా నిర్మాణానికి నిర్మాత ఏర్పాట్లు చేశారు.
కేరళలో భారీ సెట్స్ వేసి సినిమాని అత్యద్భుతంగా తెరకెక్కిస్తారట. కథ మీద ఉన్న నమ్మకంతో ఖర్చుకు వెరవకుండా సినిమా రూపొందించాలనే నిర్మాతల ప్రయత్నం విజయవంతమవ్వాలని ఆశిద్దాం.
|