పక్కా మాస్‌ మసాలా సినిమాల్ని ఇప్పటిదాకా చేసిన రామ్‌చరణ్‌, రూట్‌ మార్చాడు. ‘గోవిందుడు అందరివాడేలే’ అంటున్నాడు. కృష్ణవంశీ దర్శకత్వంలో ఈ సినిమా రూపొందుతోంది. సినిమా ఫస్ట్‌ లుక్‌ని విడుదల చేశారు రామ్‌చరణ్‌ పుట్టినరోజు సందర్భంగా. ఈ లుక్‌తో అభిమానులు ఖుషీ అవుతున్నారు.
మోడ్రన్‌ టచ్‌ ఇస్తూనే, పల్లెటూరి గెటప్‌లో కన్పించిన రామ్‌చరణ్‌ ఈ సినిమాతో ఇండస్ట్రీ రికార్డ్స్‌ని బ్రేక్‌ చేస్తాడని అభిమానులు విశ్వసిస్తుండగా, సినిమా పరిశ్రమలో కూడా ‘గోవిందుడు అందరివాడేలే’పై అంచనాలు పెరిగిపోతున్నాయి. చిరంజీవితో సినిమా చేయాలని కలలుగన్న కృష్ణవంశీకి ఆ కోరిక నెరవేరలేదు. అలా చిరంజీవిని, రామ్‌చరణ్‌లో కృష్ణవంశీ చూసుకుంటూ ఈ సినిమా తెరకెక్కిస్తున్నాడని అనుకోవచ్చు.
ఫస్ట్‌ లుక్‌కి వచ్చిన రెస్పాన్స్‌తో ‘గోవిందుడు అందరివాడేలే’ టీమ్‌ కూడా ఎంజాయ్‌ చేస్తోంది. పల్లెటూరి రామ్‌చరణ్‌ కాన్సెప్ట్‌కి అభిమానుల, ప్రేక్షకుల ఆదరణ పొందుతుందని సినిమా పరిశ్రమలోనూ చర్చ జరుగుతోంది. అంటే సినిమాకి పాజిటివ్‌ వేవ్స్‌ స్టార్ట్‌ అయినట్టే.
|
