"హృదయ కాలేయం" అనే విచిత్రమైన టైటిల్ పెట్టి సంపూర్ణేష్ బాబు అనే ఏ మాత్రం గ్లామర్ లేనతన్ని హీరోగా పెట్టి స్టీవెన్ శంకర్ తీసిన చిత్రం వసూళ్ల పంట పండిస్తోంది.
ఇప్పటిదాకా తెలుగు సినిమాల్లో వచ్చిన అతిని అతిశయోక్తితో కలిపి కొత్త తరహా నవ్వులు పూయించిన ఈ చిత్రానికి యువతనుంచి మరీ ముఖ్యంగా ఇంటెర్నెట్ యువతనుంచి ఆదరణ బాగుంది.
ఇప్పుడు అదే టీం మళ్లీ మరో చిత్రానికి శ్రీకారం చుట్టింది. దాని టైటిల్ "కొబ్బరిమట్ట". ఇందులో విశేషమేమిటంటే సంపూర్ణేష్ త్రిపాత్రాభినయం. పల్లెటూరు నేపధ్యంలో సాగే ఈ సినిమా "హృదయకాలేయం" కంటే ఎక్కువ నవ్వులు మొలిపిస్తుందని అంటున్నారు యూనిట్ సభ్యులు.
చూద్దాం "కొబ్బరిమట్ట" నిర్మాతాలకు ఏ మేరకు డబ్బుల కట్ట తెచ్చిపెడుతుందో!
|