నేరం చేసాక, పరిశోధనలో పోలీసులకు ఆ నేరస్థులు చిక్కడం, వారే తాము దురదృష్టవంతులు అనుకోవడం కద్దు. అలాకాక నేరం చేస్తున్న సమయంలోనే పోలీసులకు చిక్కడం ఇంకా ఎంతో దురదృష్టకరం. ఇలా రకరకాల నేరాలు చేస్తూ పోలీసులకు చిక్కిపోయిన వివిధ సందర్భాలలోని అలాంటి దురదృష్టపు దొంగలను మీకు పరిచయం చేసి నవ్వించే శీర్షిక ఇది!
______________________________________________________________________
 అమెరికాలోని న్యూపోర్ట్ లోని డేవిడ్ నికొల్సన్ అనే జేబుదొంగ హేగన్ అనే అతని జేబు కొట్టేసాడు. అతని చెక్ బుక్ ని వుపయోగించి, రిపబ్లిక్ బేంక్ లో రెండున్నర వేల డాలర్లు డ్రా చేయబోయాడు. అందుకు వీలుగా తన ఫోటోతో హేగన్ పేరిట దొంగ ఐడెండిటీ కార్డ్ ని కూడా తయారుచేసుకుని బేంక్ కి వెళ్ళాడు. డేవిడ్ చెక్కులని మార్చాలనుకున్నది, హేగన్ అత్తయ్య మేరీ మేనేజర్ గా పనిచేసే రిపబ్లిక్ బేంక్ లోనే! మేరీ తన అల్లుడి సంతకంలోని తేడాని గమనించి బయటికి వచ్చి, డేవిడ్ ని నీ పేరేమిటని అడిగితే, 'హోగన్' అని డేవిడ్ దర్జాగా జవాబు చెప్పాడు. దాంతో ఆవిడ పోలీసులకి కబురుచేసింది.
కాలిఫోర్నియా రాష్ట్రంలోని టెన్నెఈస్స అనే చిన్న ఊళ్ళోకి ఓ దొంగ ముఖాన ముసుగుతో వచ్చి, తుపాకి చూపించి బేంక్ లోని డబ్బుని దోచుకున్నాడు. అయితే, అతను పారిపోయిన పావుగంటకే పోలీసులు అతనింటికి వచ్చి అరెస్ట్ చేశారు. ఆ దొంగ తన పేరుని ఎడమముంజేతి మీద పచ్చబొట్టు పొడిపించుకున్నాడు. అది చదివిన కేషియర్, ఆ పేరుని పోలీసులకి తెలియజేసింది. అతను పాతనేరస్తుడని గ్రహించిన పోలీసులు అతన్ని ఇట్టే అరెస్ట్ చేసారు.
|
