ప్రముఖ దర్శకులు స్వర్గీయ ఇ.వి.వి సత్యనారాయణ స్థాపించిన 'ఇ.వి.వి సినిమా' సంస్థ బాధ్యతలను ఆయన తనయుడు ఆర్యన్ రాజేష్ స్వీకరించారు. ఆయన సారధ్యంలో 'ఇ.వి.వి సినిమా' సంస్థ నుంచి వస్తున్న తాజా చిత్రం వివరాలు ఆయన వెల్లడించారు. ఇటీవల ' అంతకుముందు ఆ తరువాత ' చిత్రంలో మంచి విజయాన్ని సొంతం చేసుకున్న ఇంద్రగంటి మోహనకృష్ణ దర్శకత్వంలో... అల్లరి నరేష్ హీరోగా ' బందిపోటు ' చిత్రం రూపొందించేందుకు ఆర్యన్ రాజేష్ సన్నాహాలు చేస్తున్నారు.
ఇ.వి.వి జయంతి సంధర్భంగా జూన్ 10న ఈ చిత్రం ప్రారంభం కానుంది. ఈ సందర్భంగా 'ఇ.వి.వి సినిమా' అధినేత ఆర్యన్ రాజేష్ మాట్లాడుతూ... 'నాన్నగారి తదనంతరం ఇ.వి.వి సినిమా బ్యానర్ బాధ్యతలను చేపడుతూ... ఇకపై వరుస చిత్రాలు నిర్మించేందుకు సన్నాహాలు చేస్తున్నాం.ఇంద్రగంటి మోహనకృష్ణ దర్శకత్వం లో తమ్ముడు అల్లరి నరేష్ హీరోగా '' బందిపోటు ' చిత్రాన్ని నిర్మిస్తున్నాం. అవుట్ అండ్ అవుట్ కామెడీ ఎంటర్ టైనర్ గా ఈ చిత్రం తెరకెక్కనుంది. త్వరలో ఈ చిత్రానికి సంబంధించిన నటీనటులు మరియు సాంకేతిక నిపుణుల వివరాలు తెలియజేస్తాం' అన్నారు!
|
