అల్లు అర్జున్‌ తెలుగులో సిక్స్‌ ప్యాక్‌ ట్రెండ్‌ని తీసుకొచ్చాడు. ప్రభాస్‌ సిక్స్‌ ప్యాక్‌ చూపలేదుగాని, ఆ స్థాయి కండలు లోలోపల అలానే ఉంచుకున్నాడతడు. కొందరు హీరోలు అవసరాన్ని బట్టి సిక్స్‌ ప్యాక్‌తో తెలుగు తెరపై సందడి చేస్తున్నారు, కొందరు అవసరం వస్తుంది కదా అని ముందే అ కండల్ని సంపాదించుకుని, అవి కరిగిపోకుండా ఎక్సర్‌సైజ్‌లు రెగ్యులర్‌గా కొనసాగిస్తున్నారు.
తెరపై బొద్దుగా మొదట్లో కనిపించి, షాకింగ్‌గా ‘యమదొంగ’తో సన్నబడ్డ ఎన్టీఆర్‌, ‘టెంపర్‌’ సినిమా కోసం కండలు మెలితిప్పాడు. ‘టెంపర్‌’ ఫస్ట్‌ లుక్‌ స్టన్నింగ్‌గా ఉంది. పూరి జగన్నాథ్‌ ఈ చిత్రానికి దర్శకుడు. ఒక్కసారిగా ‘టెంపర్‌’ లుక్‌తో ఇండస్ట్రీలో, ప్రేక్షకుల్లో హీట్‌ పుట్టించాడు ఎన్టీఆర్‌. ఇటీవల ఎన్టీఆర్‌ సినిమాలేవీ అంచనాల్ని అందుకోలేకపోతున్నాయి.
అలా రేసులో వెనకబడ్డ ఎన్టీఆర్‌, ‘టెంపర్‌’తో ఇండస్ట్రీ హిట్‌ కొడతాడని సినీ పరిశ్రమలో ప్రతి ఒక్కరూ అనుకుంటున్నారంటే, ఆ సినిమాలో అతని లుక్‌ ప్రధాన కారణం. ‘టెంపర్‌’ ముందు ‘పోకిరి’ లాంటి సినిమాలు ఫ్లాప్‌ అనాల్సి వస్తుందని వర్మ ట్వీట్‌ చేసి ‘టెంపర్‌’పై అంచనాల్ని ఇంకా పెంచేశారు. ఆల్‌ ది బెస్ట్‌ యంగ్‌ టైగర్‌.
|
