|
వెజ్ బిర్యానీ.
కావాల్సిన పదార్థాలు.
బియ్యం మూడు గ్లాసులు, కూరగాయల ముక్కలు, నీళ్ళు నాలుగున్నర గ్లాసులు, నూనె, ఉప్పు, తగినంత. పచ్చిమిర్చి రెండు లేదా మూడు. పలావ్ ఆకులు రెండు. గ్రైండ్ చేసిన యాలకులు, లవంగాలు, దాల్చిన చెక్క పొడి. అల్లం-వెల్లుల్లి పేస్ట్.
తయారు చేయు విధానం :
చాలా సింపుల్ గా చేసే వెజ్ బిర్యానీ ఇది. యాలకులు , లవంగాలు, తినేప్పుడు అడ్డొస్తాయని చాలామంది అంటూంటారు. అందుకని, అవి లేకుండా చాలా సులభంగా చేసే పద్ధతి ఇప్పుడు చూద్దాం.
బాణలిలో నూనె వేసి, మరుగుతున్న ఆ నూనెలో ముందుగా తరిగి పెట్టుకున్న కూరగాయ ముక్కలు, పచ్చిమిర్చి, పలావ్ ఆకులను, గ్రైండ్ చేసిన యాలకులు, లవంగాలు, దాల్చిన చెక్క పొడిని, అల్లం-వెల్లుల్లి పేస్టుని వేసి బాగా కలపాలి. ఇది బాగా వేగిన తర్వాత, మూడు గ్లాసుల బియ్యానికి నాలుగున్నర గ్లాసుల నీళ్ళు కలిపి రైస్ కుక్కర్ లో వేసి, అందులో ఈ వేయించిన మిశ్రమాన్ని కలిపి రైస్ తోబాటు బాగా ఉడకనివ్వాలి. వేడి వేడి వెజ్ బిర్యానీ రెడీ.....
|
