|
పెదాల సంరక్షణ ఇలా...
ఎర్రటి పెదాలకు..!
కొంతమంది పెదాలు నల్లగా ఉంటాయి. కొన్ని చిట్కాల ద్వారా వాటి రంగును పోగొట్టి ఎర్రగా అయ్యేట్టు చేయవచ్చు.
*మెత్తగా ఉండే బ్రష్‌తో పెట్రోలియం జెల్లీని పెదవులపై రెండు నిమిషాలపాటు నెమ్మదిగా రుద్దాలి. ఆ తరువాత గోరువెచ్చని నీటితో కడుక్కొని ఆలివ్‌ ఆయిల్‌ రాసుకోవాలి. ఇలా ప్రతిరోజూ చేస్తే చాలా త్వరగా పెదవులపై నల్లరంగు పోతుంది.
*తేనెలో నిమ్మరసం లేదా గ్లిజరిన్‌ లేదా పసుపు కలపాలి. ఆ మిశ్రమంతో రెండురోజులకొకసారి పెదాలను మర్దన చేసుకోవాలి.
*గులాబీ రెబ్బల్ని పాలల్లో మూడుగంటపాటు నానబెట్టాలి. ఈ పాలను పెదాలపై రాసుకొని రెండు నిమిషాలపాటు నెమ్మదిగా రుద్దుకోవాలి.
*లిప్‌స్టిక్‌ని ఎక్కువగా వాడకూడదు. అలాగే వాడే లిప్‌స్టిక్‌లో జోజోబా ఆయిల్‌, విటమిన్‌-ఇ వంటి పోషకాలు ఉండేలా చూసుకోవాలి.
*కెఫిన్‌ అధికంగా ఉండే పదార్థాలను తీసుకోవడంవల్ల పళ్లు, పెదాలపై మచ్చలు ఏర్పడతాయి. అందుకని వాటిని తక్కువగా తీసుకోవడం మంచిది.
మృదువైన పెదాల కోసం..
*పెదవులు అందంగా, మృదువుగా కనిపించేందుకు రసాయనాలతో పనిలేకుండా కొన్ని చిట్కాలున్నాయి.
* బీట్‌రూట్ రసాన్ని పెదవులకి రాస్తుంటే పెదాలు ఎర్రగా మారడం ఖాయం.
* పంచదార పొడిలో వెన్న కలిపి పేస్ట్‌లా చేసి పెదవులపై సున్నితంగా మర్దన చేయాలి.
* గులాబీ పూరేకుల్లో వెన్నవేసి మెత్తటి పేస్ట్ చేసి రాసుకుంటే పెదవులు అందంగా తయారవుతాయి.
|
