ఎట్టకేలకు 'బాహుబలి 2' సినిమా సెట్స్ మీదకెళ్లింది. ఇటీవలే రామోజీ ఫిల్మ్ సిటీలో షూటింగ్ స్టార్ట్ అయ్యింది. చకచకా సినిమా నిర్మాణం జరగనున్నట్లు సమాచారమ్. ప్రభాస్, రాణా, అనుష్క, తమన్నా, ప్రధాన తారాగణంగా తెరకెక్కుతోన్న ఈ సినిమాలో పలు బాలీవుడ్ ప్రముఖులు కూడా నటిస్తున్నారని సమాచారమ్. 'బాహుబలి' బిగినింగ్కి బాలీవుడ్ ఫిదా అవడంతో, పలువురు బాలీవుడ్ ప్రముఖులు 'బాహుబలి' రెండో పార్ట్లో నటించడానికి ఉత్సాహం చూపుతున్నారు.
అయితే రాజమౌళి, 'బాహుబలి' రెండో పార్ట్లో నటించే అదనపు స్టార్ కాస్ట్ గురించి ఇప్పటిదాకా ఎలాంటి స్పష్టతా ఇవ్వలేదు. ప్రభాస్, ఇతర తారాగణంపై గురువారం నుండీ రామోజీ ఫిల్మ్ సిటీలో షూటింగ్ చేయనున్నారట. జనవరి 13 వరకూ ఆక్కడే షూటింగ్ జరుగుతుందట. సంక్రాంతి తర్వాత రాణా సెట్స్లోకి వెళతాడట. భారీ సెట్టింగులతో వచ్చిన 'బాహుబలి ద బిగినింగ్'కు ధీటుగా ఉండేలా 'బాహుబలి ది కన్క్లూజన్' ఉండబోతోందట. అందుకు తగ్గట్టుగానే చిత్రబృందం సెట్స్ రెడీ చేస్తుందట. 'బాహుబలి 1'తో తెలుగు సినిమా ఖ్యాతి అంతర్జాతీయ స్థాయిలో మార్మోగింది. ఈ సినిమాతో రాజమౌళి మరో సారి ఆ ఖ్యాతిని పపంచస్థాయిలో మార్మోగేటట్లు చేయడం ఖాయం అంటున్నారు ఇండస్ట్రీ వర్గాలు.
|