ఈరోజుల్లో ఒత్తిడి ఎక్కువవుతోంది. 'మానసిక ఒత్తిడి' కానివ్వండి. పని ఒత్తిడి కానివ్వండి. దీన్నే 'స్ట్రెస్' అని 'టెన్షన్' అని, 'యాంగ్జయిటీ' అనీ అంటారు. దీని వల్ల ఆరోగ్యం దెబ్బతింటుంది. రిలేషన్స్ పాడవుతాయి. ఎనర్జీలెవల్స్ పడిపోతాయి మొత్తానికి మీ 'ప్రొడక్టివిటీ' తగ్గిపోతుంది. ఈ 'ఒత్తిడి' మన కండరాల మీద ప్రభావం చూపిస్తూ వుంటుంది. ఒత్తిడికీ మన 'శ్వాశ' కి సంబంధం వుందని ఓ ప్రముఖ ఫిజీషియన్ చెప్పారు. 'ప్రాణాయామం' చేస్తే కొంత ఉపసమనం కలుగుతుంది. మనసులో ఏమీ దాచుకోకుండా ఎవరితోనైనా 'షేర్' చేసుకుంటే ఉపసమనం కలుగుతుందని ఓ ప్రముఖ హిప్నాటిస్టు చెప్పారు. నేను కనీసం 6 - 7 డాక్టర్లను కలిశాను. వారందరూ చెప్పిన వాటి నుంచి సారాంశం ఇక్కడ మీకిస్తున్నాను.
* రోజుకు 10 సార్లు ముక్కుతో ఊపిరితీసుకుని, నోటితో వదలాలి.
* గట్టిగా ఊపిరి తీసుకుని కొంతసేపు వుంచి నెమ్మదిగా వదలాలి.
* ఒంటరిగా అస్సలు వుండకూడదు. నవ్వుతూ ఉండేలా చూసుకోవాలి.
* ఎక్సర్ సైజ్ తప్పకుండా చేయాలి. కనీసం 'వాకింగ్' చేయాలి.
* రోజుకు కనీసం 7 గంటలన్నా నిద్రపోవాలి.
పైన ఉదహరించిన 5 సూత్రాలు పాటిస్తూ వుంటే కొంతవరకు ఉపసమనం కలుగుతుంది. ప్రశాంత వాతావరణంకి స్థలమార్పిడి కోసం నెలకో 2 రోజులు బయటికి వెళ్తే కూడా మనసు ప్రశాంతమై ఒత్తిడి తగ్గుతుంది. చాలా మంది 'యాంటీ యాంగ్జయిటీ' డ్రగ్స్ కి అలవాటై పోతుంటారు. లేదా 'Restyl' లాంటి మాత్రలకి బానిసలైపోతున్నారు. ఆ మాత్రలు పవర్ పెంచాలన్నా, తగ్గించాలన్నా ఒకేసారి చేయకూడదని డాక్టర్ల సూచన. ఎవరన్నా Restyl 0.5 mg వాడుతుంటే వారు 2 వారాలు 0.25 mg వాడి తర్వాత 2 వారాలు 0.25 mg లో సగం వాడి, పావు వాడి అలా క్రమంగా తగ్గించాలట!
ఎన్నో టెన్షన్ల తో గడిపే మన జీవితంలో ఒత్తిడి సహజం! నేను చెప్పినట్టు 5 సూత్రాలు పాటించగలరు. 'ప్రాణాయామం' చక్కగా పనిచేస్తుంది.
|
