రచయిత కోన వెంకట్‌ ఇప్పుడు దర్శకత్వం వహించాలనే ఆలోచనలో వున్న విషయం తెలిసినదే. పవన్‌కళ్యాణ్‌కి కథ చెప్పాలని, పవన్‌తో సినిమా చేయాలనే కసితో వున్న కోన వెంకట్‌, ఓ లఘు చిత్రంతో దర్శకుడిగా తన సత్తా చాటుకోవాలనుకుంటున్నాడు. లఘు చిత్రమంటే తక్కువ బడ్జెట్‌లో తూతూ మంత్రంగా తెరకెక్కిస్తుంటారు. కానీ, కోన వెంకట్‌ చాలా ప్రతిష్టాత్మకంగా తీసుకున్నాడట లఘు చిత్రం తెరకెక్కించడాన్ని.
పూర్తిగా అమెరికాలోనే ఈ లఘు చిత్రాన్ని రూపొందించాడు కోన వెంకట్‌. ఎడిటింగ్‌, డబ్బింగ్‌ వంటి అంశాల్లోనూ ప్రత్యేకమైన శ్రద్ధపెట్టిన కోన వెంకట్‌, కామెడీ ప్రధానంగా ఈ లఘు చిత్రాన్ని రూపొందించినట్లు సమాచారమ్‌. కామెడీ పంచ్‌లు విసరడంలో కోన వెంకట్‌ సత్తా అందరికీ తెలుసు కదా.
ఈ లఘు చిత్రం అవార్డులను దక్కించుకోవడం ఖాయమని, విమర్శకుల ప్రశంసలు కూడా అందుకుంటుందని తెలుగు సినీ పరిశ్రమలో అందరూ అనుకుంటున్నారు.
|
