క్రియేటివ్ దర్శకుల లిస్ట్లో గుణశేఖర్కి ఖచ్చితంగా స్థానం వుంటుంది. వరుస వైఫల్యాలు చవిచూస్తున్నప్పటికీ, గుణశేఖర్ టాలెంట్ని తక్కువగా అంచనా వేయలేం. తన టాలెంట్ నిరూపించుకోవడానికి తనే నిర్మాతగా, తన స్వీయ దర్శకత్వంలో ఆయన తెరకెక్కిస్తున్న సినిమా ‘రుద్రమదేవి’. ఈ సినిమా కోసం భారీ స్టార్ కాస్టింగ్ని ఎంచుకున్నాడు గుణశేఖర్.
సెట్స్పైకి వచ్చిన ఈ సినిమాలో అనుష్క టైటిల్ రోల్ పోషిస్తుండగా, ఆమెకు జోడీగా సినిమాలో కీలక పాత్రలో హీరో రాణా కన్పించబోతున్నాడు. ఇదిలా వుంటే, గుణశేఖర్ ‘గోనగన్నారెడ్డి’ పేరుతో ఓ సినిమా తెరకెక్కించాలని ఎప్పుడో అనుకున్నాడు. కానీ అది కుదరలేదు. అందుకనే గోనగన్నారెడ్డి పాత్రను ‘రుద్రమదేవి’ సినిమాలో గుణశేఖర్ చూపించబోతున్నాడట.
సినిమాలో ఓ ముఖ్య పాత్రగా గోనగన్నారెడ్డి పాత్ర వస్తుందనీ, సినిమాకి ఈ పాత్ర చిత్రీకరణ హైలైట్ అవుతుందని ఇన్సైడ్ సోర్సెస్ సమాచారాన్ని బట్టి తెలుస్తున్నది. అయితే ఈ పాత్రలో ఎవరికి గుణశేఖర్ అవకాశమిస్తున్నాడనేదీ తెలియరాలేదు. ఓ ప్రముఖ నటుడు ఈ పాత్రలో కనిపించే అవకాశం ఉంది. వివరాలు ఇప్పటికైతే సస్పెన్స్.
|