కమర్షియల్ సినిమాలకీ, అవార్డు సినిమాలకీ చాలా తేడాలుంటాయి. కమర్షియల్ సినిమాల్లో నటించినా పేరొస్తుంది. అవార్డు సినిమాల్లో నటించినా పేరొస్తుంది. వచ్చే పేరులోనే తేడా. అవార్డు సినిమాల్లో తెచ్చే పేరు ఒక్కోసారి పాపులారిటీ పెంచుతుంది. ఆ పాపులారిటీ ఓ రేంజ్లో వుంటుంది. కమర్షియల్ ఇమేజ్ అలా కాదు, కొన్నాళ్లు వుండి వెళ్ళిపోతుంది గానీ.. అది తెచ్చే ఆర్థిక లాబాలు అలా ఇలా వుండవు.
కానీ, అవార్డు సినిమాలు చేయాలన్న తపన చాలా కొద్ది మందిలోనే వుంటుంది. ఆ కొద్ది మందిలో తానూ వున్నానంటోంది వేద అలియాస్ అర్చన. అచ్చ తెలుగమ్మాయి వేద, ‘కమలతో నా ప్రయాణం’ అనే సినిమాలో ప్రధాన పాత్రలో కన్పించబోతోంది. సిగరెట్ చేతపట్టింది, వేశ్యగా నటించబోతోంది. ఈ సినిమా తన కెరీర్లోనే ఓ మైలురాయిగా నిలిచిపోతుందనే ధీమా ఆమెలో కన్పిస్తోంది.
నరసింహ నంది దర్శకత్వంలో తెరకెక్కుతోన్న ఈ సినిమా గురించి ఇప్పుడు తెలుగు సినీ పరిశ్రమలో అందరూ చర్చించుకుంటున్నారు. ఐశ్వర్యారాయ్ ఓ సినిమా కోసం సిగరెట్ చేతపట్టుకుంటే అది వివాదాస్పమయినా, ఆ సినిమా ఆమెకు మంచి పేరు తెచ్చిపెట్టింది. కరీనాకపూర్ కూడా సిగరెట్ ద్వారా పొందిన పాపులారిటీ అంతా ఇంతా కాదు.
వేద కూడా అలా సిగరెట్ చేతపట్టి పాపులారిటీ పెంచుకుంటుందా, ఆమెకు అవార్డు రావడం ఖాయమేనా? అని అందరూ చర్చించుకుంటున్నారు.
|