Go Telugu - Telugu Weekly Web Magazine
ఈ సంచికలో కథలు సీరియల్స్ శీర్షికలు సినిమా కార్టూన్లు
maathanga kanyaam mansaa smaraami

ఈ సంచికలో >> శీర్షికలు >>

కాళింది లో గోవిందం - ఓలేటి శ్రీనివాసభాను

kalindilo govindam
ఆడింది ఆడింది పాదం
కాళింది లో గోవిందం
మున్నీట సర్పం - మూడింది దర్పం ...
మిన్నూ-  మన్నూ ఏకం...
ఊగింది లోకం!   ఆడింది .... ఆడింది పాదం ...

గాలీ-నీరూ కాలకూటంగా
వ్రేపల్లె కే సంకటంగా
ఘోరంగా- ప్రాణం పోవంగా
"రంగా.. రంగా" యన్న ఆలకించంగా!  ఆడింది... ఆడింది పాదం...

పడగెత్తి నాగన్న లేవంగా
బుసకొట్టి కోరలు తెరువంగా
వాటంగా- వాలం సాయంగా
నిలువెల్ల మదమంత - నీటను కలువంగ!  ఆడింది ... ఆడింది పాదం

నేత్రం- జలజాతపత్రం
గాత్రం-ఎంతో పవిత్రం
శిఖిపింఛ మౌళి - శ్రీ  బాల శౌరి
చిందులేసిన తీరు చిత్రాతి చిత్రం!  ఆడింది .. ఆడింది పాదం...
 
మరిన్ని శీర్షికలు
pawanisam short film