అ,ఆ లు అక్షరాలు-
అవి దిద్దితే చదువు మొదలైనట్టు;
అ,ఆ లు అక్కినేని ఆలోచనలు -
అవి చదివితే జీవితాన్ని కాచి వడబోసినట్టు.
వెండితెర మీద స్టారు
వేదిక ఎక్కితే మాస్టారు
ఆయన ప్రతి వాక్యం ఒక పాఠం
తిరుగులేని అల్టిమేటం
కట్టులో తెలుగుతనం,
మాటలో విశ్వమానవవాదం,
కాలంచెల్లని ఆదర్శం,
ఆయన సర్వస్వం.
అక్కినేని!
ఓ జ్ఞాన గని!...
ఎంత పుణ్యం చేసిందో-
కళా మతల్లి నిను కనిపెంచింది;
ఎంత పాపం చేసామో-
నీ మరణ వార్త వినిపించింది.
-సిరాశ్రీ (22/01/2014- ఉదయం 6:05)
|