విభిన్న పాత్రలతో ఎప్పటికప్పుడు న్యూలుక్‌లో కనిపించడానికి తహతహపడే హీరోలలో సూర్య ఒకడు. ఈ మధ్య ఈ హీరో చేసిన సినిమాలన్నింటికీ చుక్కెదురే అవుతుంది. డిఫరెంట్‌ సబ్జెక్ట్స్‌తో వచ్చినప్పటికీ ఆదరణ కరువైంది. 'సింగం' సినిమా తర్వాత ఆ స్థాయి విజయాన్ని అందుకోలేకపోయాడు సూర్య. ప్రస్తుతం రెండు సినిమాలతో బిజీగా ఉన్నాడు ఈ పవర్‌ఫుల్‌ హీరో. వీటిలో కూడా కొత్తదనమే చూపిస్తానంటున్నాడు. ఒక సినిమా 'పసంగ - 2'. రెండోది '24'. 'పసంగ 2'లో చిన్న పిల్లలతో కలిసి మంచి మెసేజ్‌ను పాస్‌ చేయాలనుకుంటున్నాడు. ఒక పాటలో అంతమంది పిల్లలతో ఎంతో ఆప్యాయంగా మెలగుతూ కనిపిస్తున్నాడు
ఈ సినిమాలో సూర్య. ఎంతో ఇంట్రెస్టింగ్‌గా ఈ పాటని చిత్రీకరించారు. ఇక రెండో సినిమా '24' లో చాలా స్పెషాలిటీసే ఉన్నాయి. ఈ సినిమాలో సూర్య విభిన్న పాత్రల్లో కనిపిస్తున్నాడట. అందులో ఒకటి హీరో, ఇంకోటి విలన్‌ పాత్ర. ముఖ్యంగా విలన్‌ పాత్రలో సూర్య రౌద్రంగా, గంభీరంగా కనిపిస్తున్నాడు. ఈ పాత్రలో ప్రేక్షకులను విలన్‌గా కూడా మెప్పించగలనంటున్నాడు సూర్య. రొటీన్‌ సినిమాలకు భిన్నంగా సూర్య సినిమాలుంటాయి. అవే తమిళంలో సూర్యని సూపర్‌స్టార్‌ని చేసేశాయి. తెలుగు ప్రేక్షకుల్ని సైతం సూర్య ఆకట్టుకుంటున్నాడు. ఇక్కడా స్టార్‌ స్టేటస్‌ ఉంది సూర్యకి.
|
