సీస పద్యం:
పలుకుయొకటి గాని పలు కుల్కులను చిల్కు
తీపి యాసల మేటి తెలుగు గడ్డ
శత్రు పక్షమునకున్ స్వాతంత్ర సమరాన
చేదు రుచిని చూపి చెలగె గడ్డ
చిలిపి పద్యాలనే చిలుకుచు వేలేండ్లు
పులుపు పంచి ముదము పొంగు గడ్డ
పౌరుషమ్మును పెంచి పోషించు తీరులో
ఒగరు నిండిన గొప్ప పొగరు గడ్డ
మనసు విరిసి మురిసి మమకారముప్పొంగ
ఆరు రుచులు కలయు అబ్బురమ్ము
మన యుగాది చూడ మాధురీ పర్వము
శ్రీ విజయమొసగును సిరులు మీకు
|