నందమూరి నటసింహం కళ్యాణ్రామ్ - మిల్కీ బ్యూటీ తమన్నా జంటగా తెరకెక్కుతోన్న చిత్రం 'నా నువ్వే'. ఈ సినిమా ట్రైలర్ తాజాగా విడుదలైంది. జయేంద్ర ఈ సినిమాకి దర్శకత్వం వహించారు. కళ్యాణ్రామ్, తమన్నా చాలా చాలా కొత్తగా కనిపిస్తున్నారు సినిమాలో. ట్రైలర్ చాలా బాగుంది. కూల్ అండ్ రొమాంటిక్ మూడ్లో ఉంది. సినిమా స్టోరీ కూడా కొత్తగా ఉండనుంది. ఓ అందమైన రేడియో జాకీ, ఓ కుర్రాడి ప్రేమలో పడుతుంది. అనుకోని కారణాలతో వారు తమ ప్రేమని కొంత కాలం త్యాగం చేయాల్సి వస్తుంది. కొంత కాలం తర్వాత తప్పకుండా లుసుకుందాం అని విడిపోయిన ఆ జంట మళ్లీ ఎలా కలిసింది? వారి మధ్య ప్రేమ ఎలా నిలిచింది? అనేదే ఈ సినిమా కథ. రేడియో జాకీ పాత్రలో తమన్నా చాలా బాగా నటించినట్లు కనిపిస్తోంది ట్రైలర్ చూస్తుంటే.
టోటల్గా ఈ సినిమాలో తమన్నా చాలా కొత్తగా కనిపిస్తోంది. తమన్నా స్క్రీన్పై కనిపించి చాలా కాలమే అయ్యింది. దాంతో ఈ సినిమాలో ఫ్రెష్లుక్లో కనిపించడంతో పాటు, ఇంపార్టెన్స్ ఉన్న పాత్ర పోషించినట్లుగా తెలుస్తోంది. తమన్నా యాక్టింగ్ స్కిల్స్ గురించి అందరికీ తెలిసిందే. అయితే ఈ సినిమా కోసం తన నటనలోని న్యూ యాంగిల్ని బయటికి తీసినట్లుగా కనిపిస్తోంది తమన్నా. కమర్షియల్గా ఈ సినిమా ఎలా ఆకట్టుకుంటుందో తెలీదు కానీ, ట్రైలర్ని మాత్రం చాలా హృద్యంగా కట్ చేశారు. తమన్నా - కళ్యాణ్రామ్ ఆన్ స్క్రీన్ కెమిస్ట్రీ నిజంగా సూపర్బ్గా ఉంది. ఎక్కడా వల్గారిటీ లేదు కానీ, మనసుకు హత్తుకునేలా ఉంది. ట్రైలర్ కోసమే ఇంతగా చర్చించుకుంటున్నామంటే సినిమా ఇంకెంతలా ఉండబోతోందో చూడాలిక. అతి త్వరలోనే 'నా నువ్వే' ప్రేక్షకుల ముందుకు రానుంది.
|