Go Telugu - Telugu Weekly Web Magazine
ఈ సంచికలో కథలు సీరియల్స్ యువతరం శీర్షికలు సినిమా కార్టూన్లు
hello akhil won

ఈ సంచికలో >> సినిమా >>

'మహానటి' అనే నేను.

me, mahanati

'నేను శైలజ' సినిమాతో తెలుగు తెరకు పరిచయమైన కీర్తి సురేష్‌ తొలి సినిమాకే యాక్టింగ్‌ టాలెంటెడ్‌ అనిపించుకోవడంతో పాటు మంచి సక్సెస్‌నీ తన ఖాతాలో వేసుకుంది. తర్వాతి సినిమా 'నేను లోకల్‌'తో మరో హిట్‌ని తన ఖాతాలో వేసుకుంది. తొలి సారిగా ఈ ముద్దుగుమ్మ చేసిన రెండు సినిమాలూ 'నేను' అనే టైటిల్‌తోనే తెరకెక్కడం మంచి విజయాలు అందుకోవడం జరిగింది. ఇక లైఫ్‌ టైమ్‌ అచీవ్‌మెంట్‌గా కీర్తికి దక్కిన ఆఫర్‌ 'మహానటి' సినిమా. ఈ ఒక్క సినిమాతో కీర్తి సురేష్‌ స్టార్‌ అయిపోయింది. అలనాటి మేటి నటి సావిత్రి జీవితాధారంగా తెరకెక్కిన ఈ చిత్రం ఆమె కెరీర్‌లోనే బెస్ట్‌ సక్సెస్‌గా నిలిచింది.

సినిమా సక్సెస్‌ అవ్వడం ఓ ఎత్తయితే, నటిగా ఈ సినిమాతో ఎవరెస్ట్‌ శిఖరమంత ఎత్తుకు ఎదిగింది కీర్తి సురేష్‌. అసలీ సినిమాతో ఇంత సక్సెస్‌ వస్తుందని ఆమె కూడా ఊహించి ఉండదు. అంతగా ఈ సినిమాకి ప్రేక్షకుల బ్రహ్మరథం పడుతున్నారు. ఆ కాలం నాటి చరిత్ర అయినప్పటికీ, నేటి తరం యువత కూడా ఈ సినిమాకి బాగా కనెక్ట్‌ అయ్యింది. బాక్సాఫీస్‌ వద్ద వసూళ్ల పంట పండిస్తోందందుకే ఈ సినిమా. తెలుగు రాష్ట్రాల్లోనే కాదు, ఓవర్సీస్‌లో కూడా ఈ సినిమాకి క్రేజ్‌ వచ్చిందంటే, కీర్తిసురేష్‌ లక్‌ ఏ రేంజ్‌లో ఉందో ప్రత్యేకంగా చెప్పాల్సిన పని లేదు. యంగ్‌ డైరెక్టర్‌ నాగ్‌ అశ్విన్‌ తెరకెక్కించిన ఈ చిత్రం ఈ నెల 9న ప్రేక్షకుల ముందుకు వచ్చి, విజయవంతంగా ముందెకెళ్తోంది. ప్రముఖుల ప్రశంసలు అందుకుంటోంది. సమంత, దుల్కర్‌సల్మాన్‌, విజయ్‌ దేవరకొండ, మోహన్‌బాబు, నాగ చైతన్య తదితరులు ఈ సినిమాలో ఇతర కీలక పాత్రలు పోషించారు.

మరిన్ని సినిమా కబుర్లు
cheppukondi chooddam