Go Telugu - Telugu Weekly Web Magazine
ఈ సంచికలో కథలు సీరియల్స్ యువతరం శీర్షికలు సినిమా కార్టూన్లు
donga sannaasulu

ఈ సంచికలో >> శీర్షికలు >>

చలి కాలంలో ఏం తినాలి - ..

healthiest winter foods
చలిని తట్టుకుని, జబ్బుల బారిని పడుకుండా ఉండేందుకు రోగ నిరోధక శక్తిని పెంచుకోవాల్సిన అవసరం ఉంది. అందుకోసం శీతాకాలంలో కొన్ని ఆహార పదార్థాలు తప్పకుండా తీసుకోవాలి. శరీరానికి చలిని తట్టుకునే శక్తినే కాదు, వైరల్ ఫీవర్లు, ఇతర ఆరోగ్య సమస్యలు దరిచేరకుండా కూడా చూసుకోవచ్చు. ఓ అయిదు రకాల ఆహారాలు తప్పకుండా మీ డైట్ మెనూలో చేర్చుకుంటే... ఆరోగ్యం మీ చెప్పుచేతుల్లో ఉంటుంది. అలా అని ఈ పదార్థాలన్నీ మరీ ఖరీదైనవి కాదు... నిత్య జీవితంలో వాడేవే.

1. దానిమ్మ గింజలు
ఆపిల్ తింటే డాక్టర్ అవసరం లేదంటారు. అలాగే చలికాలంలో దానిమ్మ తింటే ఏ మందులు వేసుకోవాల్సిన అవసరం రాదు. ఒంటినిండా యాంటీ ఆక్సిడెంట్లను పుష్కలంగా నింపుకుని ఉంటాయి దానిమ్మ గింజలు. రోజుకో కప్పు గింజలు తినండి చాలు... చెడు కొలెస్ట్రాల్ ను దరిచేరనివ్వవు. గుండెకి రక్త ప్రవాహాన్ని సరిగా అయ్యేలా చూస్తుంది. ఆక్సిజన్ సరఫరాను సరిగా ఉండేలా చేస్తుంది.
 


2. ఆకుకూరలు
ముదురాకుపచ్చలో ఉండే ఆకుకూరలను రోజూ తినండి. వీటిలో విటమిన్లు ఏ, సి, కెలు అధికంగా ఉంటాయి. ఫోలిక్ ఆమ్లం కూడా కావాల్సినంత ఉంటుంది. ముఖ్యంగా ఆడవారు వీటిని తినడం చాలా మంచిది.

3. సిట్రస్ ఫ్రూట్స్...
చలికాలంలో పండ్లు తినడం, వాటి జ్యూసులు తాగడమేంటి? ఎవరైనా తాగుతారా అని దూరం పెట్టేయకండి. నిమ్మకాయలు, నారింజ, బత్తాయి, ద్రాక్ష లను రోజూ తినండి. జ్యూస్ తాగడం ఇష్టం లేకపోతే పండ్లనే తినండి. శరీరానికి అవసరమై మంచి హెడిఎల్ కొలెస్ట్రాల్ ను ఇవి అందిస్తాయి. శరీరంలో రోగ నిరోధక శక్తిని అమితంగా పెంచుతాయి. ఈ చలికాలంలో దగ్గు, జలుబు బారిన అంత త్వరగా పడుకుండా ఈ పండ్లు చూసుకుంటాయి.
 


4. బంగాళాదుంపలు...
మానవశరీరానికి అవసరమయ్యే చాలా పోషకాలని తనలో ఇముడ్చుకున్నాయి బంగాళాదుంపలు. రోగ నిరోధక శక్తిని పెంచే విటమిన్ సి, బి6లు బంగాళాదుంపల్లో పుష్కలంగా ఉంటాయి. ఒక మీడియం సైజు పొటాటో తినడం వల్ల 4 గ్రాముల ఫైబర్ మనకి అందుతుంది. మగవాళ్లకి రోజుకి 38 గ్రాములు, ఆడవాళ్లకి రోజుకి 25 గ్రాముల ఫైబర్ అవసరమవుతుంది.
 


5. గుమ్మడి, సొర కాయలు
వీటి పేరు చదవగానే... ఏం తింటాం వీటిని అనుకుంటున్నారా? ఆరోగ్యం కోసం తినక తప్పదు. వారానికి ఓ రెండు సార్లయినా గుమ్మడి కూర, సొరకాయ కూరలు వండుకు తింటే మంచిది. వండేసిన కప్పు గుమ్మడి ముక్కల్లో కేలరీలు తక్కువే ఉన్నా విటమిన్ ఏ మాత్రం అధికంగా ఉంటుంది. అలాగే విటమిన్ సి, బి6, కె కూడా పుష్కలంగా ఉంటాయి. పొటాషియం, ఫోలిక్ ఆమ్లం కూడా మన శరీరానికి చేరుతుంది. ఈ పోషకాలన్నీ కూడా రోగనిరోధక శక్తిని పెంచేవే.
మరిన్ని శీర్షికలు
Brinjal Chutney