శ్రీవాస్‌ దర్శకత్వంలో బాలకృష్ణ హీరోగా తెరకెక్కిన చిత్రం 'డిక్టేటర్‌' సినిమా సంక్రాంతికి విడుదలై మంచి విజయం సాధించింది. ఈ సినిమా తర్వాత బాలకృష్ణ తన 100వ చిత్రంగా ఒక డిఫరెంట్‌ కథతో రాబోతున్నాడు. ఈ సినిమాకి సంబంధించి చాలా మంది డైరెక్టర్లు పరిశీలనలో ఉండడం జరిగింది. చివరికి తన నూరవ చిత్రానికి డైరెక్షన్‌ చేసే అవకాశాన్ని బాలయ్య బోయపాటి శ్రీను కిచ్చినట్లు సమాచారం. స్వర్గీయ ఎన్టీఆర్‌ జీవితగాధ ఇతివృత్తంగా ఈ సినిమా కథ ఉండబోతోందని గాసిప్స్‌ వినవస్తున్నాయి.
ఇప్పటికే బోయపాటి, బాలకృష్ణ కాంబినేషన్లో వచ్చిన 'సింహా', 'లెజెండ్‌' వంటి సినిమాలు భారీ విజయాన్ని అందుకున్నాయి. వాటిల్లో పొలిటికల్‌ బ్యాక్‌డ్రాప్‌, ఆ ఫ్లేవర్‌తో కూడిన డైలాగ్స్‌ అభిమానుల్ని అలరించాయి. 100వ సినిమాగా చేయబోయే కొత్త కూడా అదే ఫార్మేట్‌లో పూర్తిగా పొలిటికల్‌ బ్యాక్‌ డ్రాప్‌తో ఎంతో ప్రతిష్ఠాత్మకంగా రూపొందించనున్నట్లు ఇండస్ట్రీలో టాక్‌ వినిపిస్తోంది. ఈ సినిమాలో హీరోయిన్‌గా 'సింహా', 'శ్రీరామ రాజ్యం' చిత్రాల్లో హీరోయిన్‌గా నటించిన నయనతారను హీరోయిన్‌గా ఎంచుకునే అవకాశం ఉన్నట్లు తెలుస్తోంది. జూన్‌ 10న బాలకృష్ణ పుట్టిన రోజు సందర్భంగా తన నూరవ చిత్రానికి సంబంధించిన పూర్తి ఇన్‌ఫర్మేషన్‌ బాలకృష్ణ తెలపనున్నారు.
|
