వలస కూలీల వెతలా!
చెప్పంగనలవి కాదు పరమ శివునికైనా..!
""""""""""""""""""""""""""""""""""""
వ : వలస వచ్చారు కూలీలు పట్నానికి బ్రతుకు తెరవు కోసం.
ల : లబ్ధి కోసం పనిని వెతుక్కుంటున్నారు.
స : సరి పెట్టుకుంటున్నారు వచ్చిన పని ఏదైనా.
కూ : కూడు, గూడు, గుడ్డ కోసం నిత్య పోరాటమే పాపం.
లీ : లీనమాయ్యారు వారికి దొరికిన పని చేసుకుంటూ,
ల : లక్ష్మి ఎంత వస్తే అంతలోనే ఖర్చు పెట్టుకుంటూ ,
వె : వెళ్లదీస్తున్నారు కాలం బ్రతుకు జీవుడా అంటూ.
త : తరుముకుంటూ వచ్చింది ప్రపంచమంతా కరోనా.
లా! : లాక్ డౌన్ ప్రకటించింది ప్రభుత్వం అతి సడన్ గా
వలస కూలీల కష్టాలు ప్రారంభమయ్యాయి.
చె : చెప్పుకుంటే ఆర్చే వారూ,తీర్చే వారూ లేక రోడ్డున పడ్డారు.
ప్పం : కప్పం కట్టైనా ఏదైన వాహనం మీదైన వెళ్లాలి అనుకున్నారు.
గ : గత్యంతరం లేక
న : నడక ప్రయాణం సాగించారు పదులు, వందలు, వేల కిలోమీటర్ల దూరం.
ల : లక్ష్యమైన సొంత ఊరు చేరుకోవడం కోసం లాఠీ దెబ్బలు తింటున్నారు పాపం.
వి : విధి చాలా విచిత్రమయినది.
కా : కాలి నడకన వెళ్లే వారిని కూడా జిల్లా, రాష్ట్ర, సరిహద్దులలో వెళ్లకుండా అడ్డుకున్నారు.
దు : దుస్థితిని దిగమింగుకుంటూ చేసేది లేక,
ప : పట్టెడన్నం కూడా దొరకక, త్రాగడానికి నీరు కూడా లేక ఇబ్బంది పడ్డారు పాపం.
ర : రహదారులు ఎక్కడికక్కడ మూసి వేయడంతో,.
మ : మధ్యలోనే చిక్కుకొని దిక్కు తోచని స్థితిలో,
శి : శివరాత్రి లాగే ప్రతీ రాత్రీ గడుపుతున్న వారికి ఆ
వు :శివుడు శుభం కలగచేయాలని,వారిని వారి వారి
ని : నిజ వాసాలకు చేర్పించాలని
కై : కైమోడుపులు సమర్పించుకుంటూ..
న : నమ్మకం ఉంచి వేడుకుంటున్నానయ్యా పరమశివా!
వారి కష్టాలు తొలగించాలని వారిని, వారి స్వగృహాలకు క్షేమంగా చేర్పించాలని.... ఆర్తితో.
