గత 90 రోజులుగా బుల్లితెర ప్రేక్షకుల్ని ఎంటర్టైన్ చేస్తోన్న బిగ్బాస్ రియాల్టీ షో క్లైమాక్స్కి చేరుకుంది. ఇక రెండు వారాలు మాత్రమే మిగిలి ఉన్న బిగ్బాస్ షోలో ఆరుగురు కంటెస్టెంట్లు మాత్రమే మిగిలి ఉన్నారు. గత వారం వితిక అవుట్ అవ్వగా, ఈ వారం నామినేషన్ ప్రక్రియ కోసం భీకరమైన పోరు సాగింది హౌస్లో. ఇద్దరిద్దరు చొప్పున నడిచిన టాస్క్ల్లో రెండు టాస్క్లు గెలిచి రాహుల్ ఫినాలే టికెట్ని సొంతం చేసుకున్నాడు. ఈ సీజన్లో ఫినాలే టికెట్ దక్కించుకున్న మొట్ట మొదటి కంటెస్టెంట్గా రాహుల్ రికార్డు సృష్టించాడు. తల్లి దీవెనతోనే తనకు ఆ టికెట్ దక్కిందని చాలా ఎగ్జయిట్ అయ్యాడు రాహుల్. ఇదే టికెట్ కోసం, బాబా భాస్కర్, అలీ రెజా ఫిజికల్గా చాలా ఎఫర్ట్ పెట్టి పోరాడారు. టాస్క్ల్లో అలీ రెజా పర్ఫామెన్స్ తెలిసిందే. అయితే, అలీని సోలోగా తట్టుకున్న బాబా భాస్కర్కి ఈ టాస్క్ ద్వారా, ఆడియన్స్లో బాగా సింపథీ ఏర్పడింది.
ఫిజికల్గా చాలా కష్టపడి అలీతో పోరాడాడు బాబా భాస్కర్. కానీ, ఫలితం దక్కలేదు. హింసకు దారి తీసిన కారణంగా ఈ టాస్క్ని మధ్యలోనే రద్దు చేశాడు బిగ్బాస్. దాంతో ఈ ఇద్దరూ ఈ వారం హౌస్ నుండి బయటికి వెళ్లేందుకు నామినేట్ అయ్యారు. వీరితో పాటు, శివజ్యోతి, శ్రీముఖి, వరుణ్ కూడా నామినేట్ అయ్యారు. ఈ ఐదుగురి నుండీ ఈ వారం ఎవరో ఒకరు ఎలిమినేట్ కాక తప్పదు. ఇక ఫైనల్ వెర్షన్ విషయానికి వస్తే, ఈ సారి బిగ్బాస్ టైటిల్ లేడీదే అనీ, అది కూడా శ్రీముఖిదేననీ సోషల్ మీడియాలో ప్రచారం జరుగుతోంది. అయితే, బిగ్బాస్లో ఏదైనా జరగొచ్చు.
|