హైద్రాబాద్ శివార్లలో వుండే చిలుకూరు బాలాజీ టెంపుల్ గురించి తెలియనివారుండరు. రాష్ట్రమంతటా ఇప్పుడు చిలుకూరు బాలాజీ పేరు మార్మోగిపోతోంది. అది చిలుకూరు బాలాజీ మహిమ. ఈయన్ని వీసా బాలాజీ అని కూడా అంటారు. ఏదన్నా కోరిక కోరుకుని, కొన్ని ప్రదక్షిణలు ఆ గుడి చుట్టూ చేస్తే ఆ కోరికలు నెరవేరతాయనీ, కోరికలు నెరవేరాక, ముందు మొక్కుకున్నట్లుగా 108 ప్రదక్షిణలు చేస్తారు భక్తులు.
భక్తుల విశ్వాసానికి తగ్గట్టుగానే వారి కోరికలు నెరవేరుతాయి. అలా సినీ హీరో నిఖిల్ కూడా ఓ కోరిక కోరుకున్నాడు చిలుకూరు బాలాజీకి. ఆ కోరిక నెరవేరి, 108 ప్రదక్షిణలు పూర్తి చేశాడు ఇటీవలే. ‘స్వామిరారా’ సినిమాతో నిఖిల్ హిట్ కొట్టాడు కదా. ఆ హిట్ కోసమే బహుశా అతను చిలుకూరు బాలాజీకి మొక్కుకుని వుంటాడు, సినిమా హిట్టయ్యాక మొక్కు తీర్చుకున్నాడని అంటున్నారు.
ఇదే నిజమా? లేదంటే, నిఖిల్ మదిలో ఇంకేమైనా కోరిక వుందా? ఆ కోరిక నెరవేరిపోవడం వల్ల మొక్కు చెల్లించుకున్నాడా? సస్పెన్స్ పోవాలంటే నిఖిల్ అసలు విషయం బయట పెట్టాలి. ఏదేమైనా ‘స్వామిరారా’ సినిమా హీరో వెంకటేశ్వర ‘స్వామి’ గుడికి వచ్చాడన్న వార్త సినీ వర్గాల్లో మార్మోగుతోంది.
|
