Go Telugu - Telugu Weekly Web Magazine
ఈ సంచికలో కథలు సీరియల్స్ యువతరం శీర్షికలు సినిమా కార్టూన్లు
ram jindagi special

ఈ సంచికలో >> సినిమా >>

చైతూ కొత్త తరహా 'యుద్ధం' చూస్తామట

chaitu new look

నాగ చైతన్య హీరోగా తెరకెక్కుతోన్న సినిమా 'యుద్ధం శరణం'. 'రారండోయ్‌ వేడుక చూద్దాం' అంటూ వచ్చి సైలెంట్‌గా హిట్‌ కొట్టుకెళ్లిపోయాడు అక్కినేని బుల్లోడు నాగ చైతన్య. మళ్లీ అదే జోరుతో హిట్‌ కోసం యుద్ధం చేస్తానంటున్నాడు ఈ సినిమాతో చైతూ. 'యుద్దం శరణం' సినిమాతో త్వరలోనే ప్రేక్షకుల ముందుకు రానున్నాడు. ఈ సినిమాలో లావణ్య త్రిపాఠి చైతూతో జత కడుతోంది. అప్పుడు తండ్రి నాగార్జునతో ఇప్పుడు కొడుకు చైతూతో జత కట్టే బంపర్‌ ఆఫర్‌ కొట్టేసింది ఈ ముద్దుగుమ్మ.

ఇటీవలే ఈ సినిమా టీజర్‌ వచ్చింది. మంచి రెస్పాన్స్‌ అందుకుంటోంది. హీరో శ్రీకాంత్‌ ఈ సినిమాలో విలన్‌గా కనిపిస్తుండడం విశేషం. అందులోనూ చాలా పవర్‌ ఫుల్‌ విలన్‌గా శ్రీకాంత్‌ అప్పియరెన్స్‌ ఉంది ఈ సినిమాలో. టీజర్‌లో అది బాగా హైలైట్‌ చేశారు. అంటే ఈ సినిమాలో చైతూ యాక్షన్‌ శ్రీకాంత్‌తో చాలా గట్టిగానే చేయబోతున్నాడన్న మాట. ఇంతకు ముందు 'బెజవాడ', 'దడ', తడాఖా' వంటి చిత్రాల్లో చైతూ యాక్షన్‌ ఇరగదీసేశాడు. అయితే ఈ సినిమాలో ఓ డిఫరెంట్‌ యాక్షన్‌ని పరిచయం చేయబోతున్నాడట. ఆర్‌. వి. కృష్ణ మరిముత్తు ఈ సినిమాకి దర్శకత్వం వహిస్తున్నాడు. వరుస విజయాలతో దూకుడు కొనసాగిస్తున్నాడు నాగ చైతన్య. ఇదే జోరు ఈ సినిమాకీ కొనసాగించేలానే ఉన్నాడు. త్వరలోనే సమంతని పెళ్లి చేసుకోబోతున్నా చైతూకి సక్సెస్‌ల మీద సక్సెస్‌లు అందుతుండడం సంతోషించదగ్గ విషయమే. 

మరిన్ని సినిమా కబుర్లు
most wanted beauty megha akash