కకాలుకీయం  కాకమ్మ చెప్పిన జీవన వేదం
మేఘవర్ణుడనే కాకి రాజు గుర్తున్నాడా
స్థిరజీవి లాంటి కాకి మంత్రి నీ చూసారా

ఇది అన్నారు వారు

ఆడకు  నిప్పుతో చెలగాటం
ఆర్పేయ్యి  మిగిలిన ఆఖరి  నిప్పుకణం
మిగల్చకు శత్రువు ఋణం
ధైర్యమే ధర్మం
దాతృత్వమే చేసుకొనే మంచి కర్మం
సాహసమే సంపద
తెలివితేటలే పెట్టుబడి

కాకమ్మ కధలు జీవన వేదాలు

సమస్యల ను ఎదురుకో
సవాళ్ళకు బెదిరిపోకు
యుద్ధం చేసినవాడిదే విజయం
పారిపోతే అది పరాజయం

కాకి నేందుకు చిన్నచూపు
కాకి నాకు కధా నాయకుడు
కాకి నాకు వేదం చెప్పిన ఋషీశ్వరుడు
నల్లని కాకి నాకు పసితనపు నేస్తం

అమ్మమ్మ చూపించిన కాకి
కాకా అంటూ మాటలు నేర్పిన కాకి
ఎండవేళ కుండలో నీళ్లు తెలివిగా తా గిన కాకి
గులకరాళ్లు తో విజ్ఞానం చూపిన కాకి

ఐకమత్యానికి  మరో పేరు కాకి
అన్నమైన మలినమైన ఒక్కలాగే స్వీకరించే స్థితప్రజ్ఞుడు కాకి

పిండము తిని పితరులను తరిమ్పచేసిన కాకి

చిలుకలు గోరువంకలు హంసలు కోయిలమ్మలు  ఇవేనా కావాలి
ఇంటిచుట్టూ తిరిగే కాకి అంటే అందరికి అలుసా

కాకి నా పసితనం కాకి నా చిన్నతనపు చందమామ కథల నేస్తం
కాకి నా మొదటి సైన్స్ టీచర్ .  కాకి వచనం నేను విన్న మొదటి ప్రవచనం