పశ్చిమ గోదావరి జిల్లా మొగల్తూరులో రావూరి భరద్వాజ 1927లో జన్మించారు. ఆ తర్వాత గుంటూరు జిల్లా తాడికొండకు వలస వెళ్లారు. 17వ యేటనే కలం పట్టిన ఈయన 130కి పైగా గ్రంథాలు రాశారు. కథనాలు, నవలలు, నాటకాలు, వ్యాసాలు, విజ్ఞాన శాస్త్రం, బాల సాహిత్యం వెలువరించారు. 1948లో దీనబంధు పత్రికలో జర్నలిస్టుగా సేవలందించారు. జ్యోతి, సమీక్ష, అభిసార, చిత్రసీమ వంటి సినిమా పత్రికల్లో పనిచేశారు. 1959లో ఆకాశవాణిలో చేరారు.తెలుగు రచనా ప్రపంచంలో వినూత్న సాహితీ ప్రక్రియకు శ్రీకారం చుట్టిన ఘనుడితడు. ఆడంబరాలులేని సాధారణ జీవితం ఆయనది. భరద్వాజకు దిగువ మధ్యతరగతి, పేదప్రజల భాషపై గట్టిపట్టు ఉంది. ఒక బీదకుటుంబంలో జన్మించిన భరద్వాజ కేవలం ఉన్నత పాఠశాల స్థాయివరకే చదువుకున్నారు.భరధ్వాజ సుమారు 187 పైగా పుస్తకాలను వెలువరించారు, 500 పైగా కథలను 37 సంకలనాలుగా, 19 నవలలు, 10 నాటకాలు వ్రాశారు. భరద్వాజ తన తొలి కథ ఒకప్పుడును 16 ఏళ్ల ప్రాయంలో వ్రాశాడు. ఇది జానపద శైలిలోసాగే కథ. భరద్వాజపై చలం ప్రభావం మెండుగా ఉంది అని సాహితీవేత్తల అభిప్రాయం .

ఆయన రచించిన అశేష రచనలలో ఈ క్రింది రచనలు జన బాహుళ్యంలో ఎంతో ప్రాచుర్యం పొందాయి.
పాకుడురాళ్ళు , లోకం కోసం, ఉన్నదీ ఊహించేది, పద్మవ్యూహం, జయంతి, భక్త కబీర్, మమకారం, కరిమింగిన వెలగపండు. ఈయనకు సాహిత్యంలో అత్యున్నత పురస్కారం జ్ఞానపీఠ్ అవార్డు లభించింది. పాకుడురాళ్లు అనే నవలకు గాను ఆయనకు ఈ అవార్డు లభించింది. సినీ ప్రపంచంలోని వ్యక్తుల అంతరంగాలను ప్రతిభావంతంగా చిత్రీకరించిన తొలి తెలుగు నవలగా పాకుడురాళ్లు ప్రశంసలు అందుకుంది.మానవ భావోద్వేగాలే ప్రధానాంశాలుగా కథలు రాసే భరద్వాజ శైలి సరళమైంది. పాత్ర చిత్రీకరణలో ఒక సన్నివేశాన్ని పరిచయం చేయడంలో భరద్వాజకు ఉన్న ఒడుపు అద్భుతమైంది. ప్రతిష్టాత్మకమైన జ్ఞానపీఠ్ అవార్డు పొందిన మూడో తెలుగు రచయిత రావూరి భరద్వాజ. ఆయన కన్నా ముందు ఈ అవార్డు కవి సామ్రాట్ విశ్వనాథ సత్యనారాయణకు, డాక్టర్ సి. నారాయణరెడ్డికి ఈ అవార్డు లభించింది. భరద్వాజ 2011లో త్రిపురనేని గోపీచంద్ పురస్కారాన్ని, 2009లో లోక్‌నాయక్ పౌండేషన్ సాహిత్య పురస్కారాన్ని అందుకున్నారు.చిన్నతనంలోనే చదువు మానేసిన బాలుడికి, డాక్టరేట్ డిగ్రీలు భరద్వాజ ఇంటికి చేరాయి. సాహిత్యం. పలు సంస్థలు ఆయనను తమ అవార్డులతో సత్కరించి సత్కరించాయి. వాటిలో ముఖ్యమైనవి 1968 మరియు 1983లో రాష్ట్ర సాహిత్య అకాడమీ మరియు 1983లో కేంద్ర సాహిత్య అకాడమీ అందించిన అవార్డులు ఆంధ్రా, ఆచార్య నాగార్జున, జేఎన్‌టీయూల నుంచి గౌరవ డాక్టరేట్‌ పొందారు.11.10.2013న ఢిల్లీలో జరిగిన ఒక సాధారణ కార్యక్రమంలో రావూరి భరద్వాజకు జ్ఞాన్‌పీఠ్‌ అవార్డును అందజేశారు. వారం రోజుల వ్యవధిలోనే బహుళ అవయవ వైఫల్యం కారణంగా హైదరాబాద్‌లోని ఆసుపత్రిలో చికిత్స పొందారు. భరద్వాజకు జీవితంలో చాలా ఆలస్యంగా గుర్తింపు వచ్చింది. దయతో ఆయన తన జీవితంలోని చివరి దశలలో వ్యక్తిగతంగా అవార్డును అందుకోగలిగారు.వీరి రచనల మీద నాలుగు విశ్వవిద్యాలయాల్లో పరిశోధనలు జరిగాయి. సాహితీ రంగంలో ధృవ తారగా వెలుగొందిన డాక్టర్‌ రావూరి భరద్వాజ 2013 అక్టోబర్‌ 18 తిరిగి రాని లోకాలకు తరలివెళ్లారు.