డిస్నీ ప్రొడక్షన్ మంచి సినిమాలతో కొన్ని దశాబ్దాలుగా పిల్లల్ని అలరిస్తున్న విషయం మనందరికీ తెలిసిందే. చాలా సార్లు వాళ్లు ఎంచుకునే సబ్జెక్ట్స్, పిల్లల్ని మాత్రమే కాకుండా, కుటుంబం మొత్తాన్ని మెప్పిస్తాయి. అలాంటి డిస్నీ ప్రెజెంట్ చేసిన షార్ట్ ఫిల్మ్- గ్లూడ్. బెజాలెల్ అకాడమీ ఆఫ్ ఆర్ట్ లోని నలుగురు ఫైనల్ ఇయర్ యానిమేషన్ విద్యార్థులు తీసిన ఈ షార్ట్ ఫిల్మ్ సమీక్ష... కేవలం మీ కోసం-

కథ :

వీడియో గేమ్స్ కి అడిక్ట్ అయిన ఓ పిల్లాడి తల్లి, తన కొడుకు ఇరవై నాలుగు గంటలు ఇంట్లో కూర్చొని గేమ్స్ ఆడకుండా, బయటకి వెళ్లి ప్రకృతిని ఆస్వాదిస్తూ, ఫిజికల్ గేమ్స్ ఆడాలని కోరుకుంటుంది. ఆమె ప్రయత్నం ఫలించిందో, లేదో తెలియాలంటే, మీరు తప్పక ‘గ్లూడ్’ చూడాల్సిందే!

ప్లస్ పాయింట్స్ :

ఈ సినిమా యానిమేటడ్ మూవీ అవడంతో ముందు మనం పిల్లల సినిమాగా ఊహిస్తాం. కాని, ఈ సినిమా పిల్లల్ని ఎంతగా అయితే అలరిస్తుందో, పెద్దల్ని కూడా అంతే అలరిస్తుందని చెప్పొచ్చు. 3డి యానిమేషన్ చాలా అద్భుతంగా చేశారు. షాట్స్ ని చాలా సినిమాటిక్ గా డిజైన్ చేశారు. మీరు గనక ఈ సినిమా మేకింగ్ ప్రాసెస్, స్టోరీ బోర్డింగ్, కలర్ స్క్రిప్ట్, 3D స్ట్రక్చర్స్ గురించి మరింత తెలుసుకోవాలంటే, గ్లూడ్ అఫీషియల్ బ్లాగ్‍స్పాట్- ‘http://gluedmovie.blogspot.in/’ కి లాగ్ ఇన్ అయ్యి వివరాలు తెలుసుకోవచ్చు. ఈ సినిమా కథను ఈ కాలం పిల్లలు, తల్లిదండ్రులు బాగా అనుభూతిస్తారు. బ్యాక్గ్రౌండ్ మ్యూజిక్, మెయిన్ థీమ్ మ్యూజిక్ వినసొంపుగా ఉంటాయి. అన్నిటికంటే ముఖ్యంగా, గ్లూడ్ సెటైరికల్‍గా అందించే సందేశంలో చాలా అర్థం ఉంది.

మైనస్ పాయింట్స్ :

ఈ సినిమాలో కనబడే పిల్లాడి తల్లి క్యారెక్టర్‍ని ఇంకొంచెం బాగా డెవలప్ చేసి ఉండచ్చు.

సాంకేతికంగా :

గయ్, డానియల్, అలాన్ మరియూ సివన్ దర్శకత్వ ప్రతిభ బాగుంది. అస్సాఫ్ ష్లామి మ్యూజిక్ ఈ సినిమాకి పెద్ద ప్లస్. యానిమేషన్ చాలా బాగా డెజైన్ చేశారు. సౌండ్ కూడా చాలా యాప్ట్ గా ఉంటుంది.

మొత్తంగా :

మీరు కచ్చితంగా ‘గ్లూ’ అవుతారు!

అంకెలలో :

4.0/5

https://www.youtube.com/watch?v=rW2g5cwxrqQ